推文

@hk2019freehk · 2026-10-03 07:55

黃浚滔律師：首先，我真係冇諗過有人夠膽 share 國安法個 post。多謝仍然有香港人敢為自己嘅不滿做出呢個動作。呢個動作傷害唔到一個真正強大嘅國家，但一定會令有權有勢嘅人感到不滿。 Lord Acton 名句：「Power tends to corrupt, and absolute power corrupts absolutely.」人性就是如此，所以我哋唔相信性本善論。 我哋發言，唔係因為我哋大膽。啱啱過去嘅暑假，我同認識嘅行家聽到有多於十個移民英國嘅家庭外遊時，飛機一抵港（包括轉機），就有家庭成員被捕。就算我哋唔理政治，但從法理角度而言，作為有法律知識嘅一份子，真係可以將一切都只當作「法律」？所以，三權只需要合作：政府寫好法律，國安執行，司法機關判刑。長此下去，香港嘅商民事法地位真係會不受影響？ 我哋唔係因為敢言而發聲，而係充滿不解；明明古語有云：「法者，天子所與天下公共也。今法如此而更重之，是法不信於民也。」但我哋見到嘅係有權勢嘅人走火入魔，竟然可以如此享受將平民玩弄於股掌之中。真正嘅魔鬼，活生生喺人間。 人間係一個修羅試煉場，經歷種種，最終成佛定成魔，上天一直都在看。

曝光 2647 · 评论 0 · 点赞 85 · 书签 3