推文

@hk2019freehk · 2026-10-07 14:28

轉：又有中國人去美國搵代孕，不過今次玩到直接被捕，檢控仲要求法庭將保釋金定到1億美元，可想以知案情有幾嚴重。 66歲Guojun Xuan同39歲Silvia Zhang，剩係睇姓氏拼音就知係中國移居美國，佢地住响加州Arcadia一間超大豪宅。警察舊年入屋調查，發現入面有15個小朋友，之後再搵到另外6個。Z姓女子向警方表示，佢同X姓男人總共有22個仔女，除咗兩個之外，其餘都係由代母生。 即係成隊足球隊連埋後備咁多個，代孕本身响加州係合法嘅，不過世上總係有啲人，响合法嘅框架下做可恥嘅事。 點解佢地要生咁多個就暫時未知，但成件事爆煲係因為之前其中一個兩個月大BB頭部重創送院。警方之後翻查豪宅入面大約25個鏡頭嘅片段，發現有照顧者涉嫌毆打小朋友。更離譜係，有代母事後話自己根本唔知道，原來同一時間有咁多女人幫呢對夫婦生仔。檢控依家指控，X同Z明知小朋友受虐但冇阻止，仲涉及串謀虐兒同阻嚇證人等等罪名。 兩個人呢個星期二再次被捕，檢控覺得更案情嚴重同佢地有潛逃風險，所以要求法官將保釋提高到1億美金。 有錢人發現一套合法制度，可以畀人當成生產線咁「製造」廿個小朋友，生完仲要涉嫌虐待，咁就唔只係刑事咁簡單，係超越人類嘅道德底線。 有啲嘢本身未必犯法，但去到某啲人手上就可以好可恥。

曝光 810 · 评论 0 · 点赞 2 · 书签 0